Pathian thu ril leh thuk tak sawi tur erawh ka hre/nei lem lova, Tunlai KTP te kan chetvelna leh kan rawngbawlna a rilrua thil lo awm ve thin, kan rawngbawlna atana kan mamawh leh hmasawn zelna tur, mawl te te a taka kan hman nghal mai theih tur leh ngaihtuah zui tur thil rawn tarlan kan tum dawn a ni.
1. Kan inpekna: Kohhran/KTP tana kan inpekna hi nasa hlein ka hria, a ropuiin a lawmawm hle mai. Mahni mimal thil atana kan lak phal zen zen loh kan hna(hna hrang hrang ni mah se) atanga chawlh/leave te Kohhran/KTP tan kan han la pawp zel mai te hi thil ho te leh ngaia/turah emaw kan tih mai thin, ngaihtuah chian chuan thil ropui tak niin ka hria. Thil pek chungchangah te pawh kan inpekna a sang hle. Amaherawhchu, hetah hian tawp mai tur kan ni lo. Kan theihna te, kan talent neih hrang hrangte hi Pathian tana kan tihpun zel hi a pawimawha, bituk chin leh mahni tihtur chin neih tlat mai te hian kan hmasawnna min dal thin. A tulnaah chuan Pawhfan ang maia han fan thui deuh chang te pawh a awm ang, kal chak leh lutuka han dul leh hret tul chang te pawh a awm mai thei. A pawimawh berah chuan kan rawngbawl chhan ber hi engnge ni tih ngaihtuah chunga kan kal thiam a ngai a ni.
2. Keimahnia awm engnge?: KTP te hi rawngbawl tura chhandam kan ni a, chanchin tha hril tura koh kan ni a, midang tana malsawmna kan nih pawh a tul. Hetah hian thil pakhat kan rilruah a awm ve thin em, he zawhna hi kan inzawt ve thin em ka hre lova, midangte rawngbawlsak turin, luangchhuak/pe chhuak turin keimahniah hian engnge awm, engnge kan neih le? Pathian mamawh te, thlarauva riltama tuihal te hnenah pek chhuah tur kan nei em? Neih nei lo chuan a pek chhuah theih loh. KTP member te hi tunah hian engnge kan dinhmun le, keimahniah Thlarau lam thilpek midangte hlui ve tur kan nei em le? Chumi ti thei tur chuan Pathian kan hnaih em? Kan hnaih lo a nih chuan a chhan/min hlat tirtu zawng ila, Pathian hnaih turin i inbuatsaih ang u.....
3. Tawngtai tam leh Intawngtaipui tawn kan mamawh: Mimal tinin chaklohna kawng hrangin kan nei theuh mai, heng kan chaklohna te hi inrel/sawichhe mai lova inpuitawn leh intichak tawn tur kan ni, chu chakna hnar kan lakna tur chu tawngtaina hi a ni. Hruaitu te pawh tumah tling tawk zo an awm lo, mitin hi chak lohna kawng eng emaw tal nei theuh kan ni, chhiatna leh chaklohna lai chauh inthlir sak mai lovin kan thatna kawng theuh te hi inthlir sak ila, kan chak lohna kawngah intawngtai sak thung ila, chutiang taka KTP member te kan tawngtai tam phawt chuan kan Kohhran leh kan Branch hian hniam lam kan pan ngai lovanga, inpumkhatna tha zawk nen rawng kan bawl thei ang.
Hei bakah hian hmaichhana diklohna inhrilh te, thurawn inpek te emaw harsatna inhrilh/share tawn te hi ti thei ila kan thatpui lehzualin inpawhna thuk zawk pawh kan nei ngei ang. Hei kan branch-ah hian tlinglo tak chungin hun eng emaw chen chu hruaitu kan han ni ve a, hruaitu nih ve na anga harsatna min share pui emaw min han rawn dertu an la awm lo, keima zir loh leh thiam loh nge tih te hi ka ngaihtuah ve fo thin. Mahni han inpuang ta ila, BCM ten bial kan nei hrang theuhva, mahni bial Kohhran thunun tawk leh harsatna nei te an awm tih hriat reng pawhin kan ‘hruaitute’ tih tur ah dah mai na rilru ka la pu fo thin. Midang in ni ve emaw ka hre lova. Kan hruaitute chu tunge? Tunge chung thil chu ti ang? Keimah hi ka lo ni reng si a, keimah hi a titu tur ka ni. Branch hruaitu chauh a ni lo, Group hruaitu te, KTP active member te hian helam kawngah hian kan huang kan zauh a tul hlein ka hria.
4. Kan Pathian biak dan (worship) chungchang hi tlem han sawi tel duh ve ila, Pathian biaa kan inkhawm emaw, fellowship emaw kan neih hian Pathian hi eng angin nge kan dah thin. Kan ngaihtuahna tizautu atan entirna pakhat lo sawi ta ila: Ziaktu pakhat chuan, “Stage-ah a changtuten Drama an chang lai uluk takin kan en a, a changtute pawhin mi hmuhnawm tih leh rilru hneh thei tur ang berin an chang a. An thiam viau chuan kut pawh kan beng hluah hluah thin. Pathian biak inkhawmah chuan hemi letling hlauh hi a ni thung. Pathian hi min entu/ngaithlatu(audience) ni se, Mipuite hi a changtu te kan ni thung a, chanvo neitu te hi a changtu lo puitu pakhat lo ni ta se. Thil pawimawh ber mai chu hun hmangtu, chairman, thusawitu, etc. te ah ni ber lovin a inkhawm mipuite rilru zawk kha a ni. Ka inkhawm atang hian engnge ka chhar chhuah, engnge hlawkna ka hmuh tih ai chuan Kan hun hmanah khan Pathian a lawm ang em ? tih tih rilru puin Biak In chhuahsan ta ila a tha zawk dawn lawm ni? Stage-a a changtu ni lovin Pathian zawk kha kan thlir a ngai a ni,” tiin a sawi a. Engnge kan ngaihdan ni ve le. Hei hi thlirna kawng khat mai a ni a, kawng dang pawhin a sawi theih awm e, kan ngaihtuah zui atan kan han chhawpchhuak ve hrim hrim a ni. Eng pawh ni se, Pathian kan dah hmasak a tulzia min kawhhmuh thei awm e.
5. Thlarau bo veina/hmangaihna hi eng ang takin nge KTP member te hian kan neih thin le? Kan member zingah helama thahnemngai leh vei tak tak eng emaw zat kan nei hi a lawmawmin a thlamuan thlak hle mai. KTP member te hian helam kawngah hian tan han la tak tak ila, active member tam zawk kan awm thei ang a, danglamna nasa tak chu a siam ngei ang tih a rinawm a ni. KTP Handbook-ah khan “Kan rawngbawlna hlawhtlin leh hlawhtlin loh tehna chu, Krista hnena mi dangte kan hruai leh hruai lohvah a innghat thui hle a ni tih hria ila,” tih kan hmu a ni.
6. Kohhran Kutke ni tura buatsaih kan ni: KTP member te hi Kohhran mi ni bur mai ila, inkhawm tlat mai ila, chaklo leh peih lo chung pawhin Kohhran/KTP hi bel lui tlat mai ila, tunlai kan khawvel bawlhhlawh tak hian min eiral lovang.
Hemi kaihhnawihah hian thil pakhat han sawi tel ka duh chu, kan hriat phak leh kan tawn thin ngeiah pawh Kohhran/KTP sawichhia leh do tlat mai, a member erawh ni lawi si an awm fo mai, KTP-a a kul ataia inhmang ve thin te pawh an awm ve leh zeuh thin. Hemi kawngah hian kan inzawhna tur chu Kohhran/KTP hi tu ta nge ? A chhanna chu a inpe, a taima apiang te ta a ni. Kan hruaitute ta a ni bik lo, kan zavaia kan ta, ringtu zawng zawngte kan lenna, kan chakna hnar tura Pathian din a ni tih hi chiang em em mai ila, a neitu kan nih tih kan chian miau chuan kan sawisel kan sawisel fo lovang a, Kohhran hnathawh tipuitling tura din kan ni zawk a ni.
Pathianin kan awmna tur, kan rawngbawlna tur, kan thanlenna tur Kohhran/KTP min siam sak hi a ropui takzet a, Pathian hian lo siam ta lo se emaw hetianga inhmanna tur hi awm ta lo se kan dinhmun hi engnge niang aw tih hi ka ngaihtuah fo thin. Chu ngaihtuahnain min hriat chhuahtir fo thin chu Pathian Hmangaihna ropuizia hi a ni. Misual thi mai tur min chhandam a, rinna kawnga kan than len nan leh a rawng kan bawl ve theihna tur Kohhran min siam sak a, tha taka inhman peih te chu fel nih hlawhna a lo ni leh zel a, tunlai khawvelah phei hi chuan mifel nih te hi a harlo nasa mai a nih hi. Kan phu loh chawimawina kan dawng a ni. Kohhran leh KTP-a inhmang chu kan society pawhin mi pangngai takah min ngaih theih phah a ni. Mahni mimal nun theuh pawh inen ta ila, keini tehlul min chawikan dan han en hian, KTP -a kan tel tirha rilruin a hisap ngai loh leh a tin chhin ngai loh thil tam tak ka tawng ve tawhin ka hria, chuvang chuan Pathian hmangaihna ropuizia hi sawi nawn fo tur kan ni. Harsatna te, beidawnna te, tlakhniam lai te awm fo thin, thlemna do hneh har tak tak pawh kan tawk a ni thei, Pathian hmangaihna nasatzia hi ngaihtuah chhuak fo thin ila, kan rawngbawlna leh activities hrang hrangah pawh chakna thar kan hmu zel thei dawn a ni.
Pathian Hmangaihna Ropuizia, Thu leh hlain a hril seng lo.(KHB 43)
1. Kan inpekna: Kohhran/KTP tana kan inpekna hi nasa hlein ka hria, a ropuiin a lawmawm hle mai. Mahni mimal thil atana kan lak phal zen zen loh kan hna(hna hrang hrang ni mah se) atanga chawlh/leave te Kohhran/KTP tan kan han la pawp zel mai te hi thil ho te leh ngaia/turah emaw kan tih mai thin, ngaihtuah chian chuan thil ropui tak niin ka hria. Thil pek chungchangah te pawh kan inpekna a sang hle. Amaherawhchu, hetah hian tawp mai tur kan ni lo. Kan theihna te, kan talent neih hrang hrangte hi Pathian tana kan tihpun zel hi a pawimawha, bituk chin leh mahni tihtur chin neih tlat mai te hian kan hmasawnna min dal thin. A tulnaah chuan Pawhfan ang maia han fan thui deuh chang te pawh a awm ang, kal chak leh lutuka han dul leh hret tul chang te pawh a awm mai thei. A pawimawh berah chuan kan rawngbawl chhan ber hi engnge ni tih ngaihtuah chunga kan kal thiam a ngai a ni.
2. Keimahnia awm engnge?: KTP te hi rawngbawl tura chhandam kan ni a, chanchin tha hril tura koh kan ni a, midang tana malsawmna kan nih pawh a tul. Hetah hian thil pakhat kan rilruah a awm ve thin em, he zawhna hi kan inzawt ve thin em ka hre lova, midangte rawngbawlsak turin, luangchhuak/pe chhuak turin keimahniah hian engnge awm, engnge kan neih le? Pathian mamawh te, thlarauva riltama tuihal te hnenah pek chhuah tur kan nei em? Neih nei lo chuan a pek chhuah theih loh. KTP member te hi tunah hian engnge kan dinhmun le, keimahniah Thlarau lam thilpek midangte hlui ve tur kan nei em le? Chumi ti thei tur chuan Pathian kan hnaih em? Kan hnaih lo a nih chuan a chhan/min hlat tirtu zawng ila, Pathian hnaih turin i inbuatsaih ang u.....
3. Tawngtai tam leh Intawngtaipui tawn kan mamawh: Mimal tinin chaklohna kawng hrangin kan nei theuh mai, heng kan chaklohna te hi inrel/sawichhe mai lova inpuitawn leh intichak tawn tur kan ni, chu chakna hnar kan lakna tur chu tawngtaina hi a ni. Hruaitu te pawh tumah tling tawk zo an awm lo, mitin hi chak lohna kawng eng emaw tal nei theuh kan ni, chhiatna leh chaklohna lai chauh inthlir sak mai lovin kan thatna kawng theuh te hi inthlir sak ila, kan chak lohna kawngah intawngtai sak thung ila, chutiang taka KTP member te kan tawngtai tam phawt chuan kan Kohhran leh kan Branch hian hniam lam kan pan ngai lovanga, inpumkhatna tha zawk nen rawng kan bawl thei ang.
Hei bakah hian hmaichhana diklohna inhrilh te, thurawn inpek te emaw harsatna inhrilh/share tawn te hi ti thei ila kan thatpui lehzualin inpawhna thuk zawk pawh kan nei ngei ang. Hei kan branch-ah hian tlinglo tak chungin hun eng emaw chen chu hruaitu kan han ni ve a, hruaitu nih ve na anga harsatna min share pui emaw min han rawn dertu an la awm lo, keima zir loh leh thiam loh nge tih te hi ka ngaihtuah ve fo thin. Mahni han inpuang ta ila, BCM ten bial kan nei hrang theuhva, mahni bial Kohhran thunun tawk leh harsatna nei te an awm tih hriat reng pawhin kan ‘hruaitute’ tih tur ah dah mai na rilru ka la pu fo thin. Midang in ni ve emaw ka hre lova. Kan hruaitute chu tunge? Tunge chung thil chu ti ang? Keimah hi ka lo ni reng si a, keimah hi a titu tur ka ni. Branch hruaitu chauh a ni lo, Group hruaitu te, KTP active member te hian helam kawngah hian kan huang kan zauh a tul hlein ka hria.
4. Kan Pathian biak dan (worship) chungchang hi tlem han sawi tel duh ve ila, Pathian biaa kan inkhawm emaw, fellowship emaw kan neih hian Pathian hi eng angin nge kan dah thin. Kan ngaihtuahna tizautu atan entirna pakhat lo sawi ta ila: Ziaktu pakhat chuan, “Stage-ah a changtuten Drama an chang lai uluk takin kan en a, a changtute pawhin mi hmuhnawm tih leh rilru hneh thei tur ang berin an chang a. An thiam viau chuan kut pawh kan beng hluah hluah thin. Pathian biak inkhawmah chuan hemi letling hlauh hi a ni thung. Pathian hi min entu/ngaithlatu(audience) ni se, Mipuite hi a changtu te kan ni thung a, chanvo neitu te hi a changtu lo puitu pakhat lo ni ta se. Thil pawimawh ber mai chu hun hmangtu, chairman, thusawitu, etc. te ah ni ber lovin a inkhawm mipuite rilru zawk kha a ni. Ka inkhawm atang hian engnge ka chhar chhuah, engnge hlawkna ka hmuh tih ai chuan Kan hun hmanah khan Pathian a lawm ang em ? tih tih rilru puin Biak In chhuahsan ta ila a tha zawk dawn lawm ni? Stage-a a changtu ni lovin Pathian zawk kha kan thlir a ngai a ni,” tiin a sawi a. Engnge kan ngaihdan ni ve le. Hei hi thlirna kawng khat mai a ni a, kawng dang pawhin a sawi theih awm e, kan ngaihtuah zui atan kan han chhawpchhuak ve hrim hrim a ni. Eng pawh ni se, Pathian kan dah hmasak a tulzia min kawhhmuh thei awm e.
5. Thlarau bo veina/hmangaihna hi eng ang takin nge KTP member te hian kan neih thin le? Kan member zingah helama thahnemngai leh vei tak tak eng emaw zat kan nei hi a lawmawmin a thlamuan thlak hle mai. KTP member te hian helam kawngah hian tan han la tak tak ila, active member tam zawk kan awm thei ang a, danglamna nasa tak chu a siam ngei ang tih a rinawm a ni. KTP Handbook-ah khan “Kan rawngbawlna hlawhtlin leh hlawhtlin loh tehna chu, Krista hnena mi dangte kan hruai leh hruai lohvah a innghat thui hle a ni tih hria ila,” tih kan hmu a ni.
6. Kohhran Kutke ni tura buatsaih kan ni: KTP member te hi Kohhran mi ni bur mai ila, inkhawm tlat mai ila, chaklo leh peih lo chung pawhin Kohhran/KTP hi bel lui tlat mai ila, tunlai kan khawvel bawlhhlawh tak hian min eiral lovang.
Hemi kaihhnawihah hian thil pakhat han sawi tel ka duh chu, kan hriat phak leh kan tawn thin ngeiah pawh Kohhran/KTP sawichhia leh do tlat mai, a member erawh ni lawi si an awm fo mai, KTP-a a kul ataia inhmang ve thin te pawh an awm ve leh zeuh thin. Hemi kawngah hian kan inzawhna tur chu Kohhran/KTP hi tu ta nge ? A chhanna chu a inpe, a taima apiang te ta a ni. Kan hruaitute ta a ni bik lo, kan zavaia kan ta, ringtu zawng zawngte kan lenna, kan chakna hnar tura Pathian din a ni tih hi chiang em em mai ila, a neitu kan nih tih kan chian miau chuan kan sawisel kan sawisel fo lovang a, Kohhran hnathawh tipuitling tura din kan ni zawk a ni.
Pathianin kan awmna tur, kan rawngbawlna tur, kan thanlenna tur Kohhran/KTP min siam sak hi a ropui takzet a, Pathian hian lo siam ta lo se emaw hetianga inhmanna tur hi awm ta lo se kan dinhmun hi engnge niang aw tih hi ka ngaihtuah fo thin. Chu ngaihtuahnain min hriat chhuahtir fo thin chu Pathian Hmangaihna ropuizia hi a ni. Misual thi mai tur min chhandam a, rinna kawnga kan than len nan leh a rawng kan bawl ve theihna tur Kohhran min siam sak a, tha taka inhman peih te chu fel nih hlawhna a lo ni leh zel a, tunlai khawvelah phei hi chuan mifel nih te hi a harlo nasa mai a nih hi. Kan phu loh chawimawina kan dawng a ni. Kohhran leh KTP-a inhmang chu kan society pawhin mi pangngai takah min ngaih theih phah a ni. Mahni mimal nun theuh pawh inen ta ila, keini tehlul min chawikan dan han en hian, KTP -a kan tel tirha rilruin a hisap ngai loh leh a tin chhin ngai loh thil tam tak ka tawng ve tawhin ka hria, chuvang chuan Pathian hmangaihna ropuizia hi sawi nawn fo tur kan ni. Harsatna te, beidawnna te, tlakhniam lai te awm fo thin, thlemna do hneh har tak tak pawh kan tawk a ni thei, Pathian hmangaihna nasatzia hi ngaihtuah chhuak fo thin ila, kan rawngbawlna leh activities hrang hrangah pawh chakna thar kan hmu zel thei dawn a ni.
Pathian Hmangaihna Ropuizia, Thu leh hlain a hril seng lo.(KHB 43)
rkpachuau(12.10.'09)
No comments:
Post a Comment